About

മൺചുമരും  ഓലമേഞ്ഞ മേൽക്കൂരയുമായിരുന്ന ആ പാഠശാല കെട്ടിടം പ്രകൃിക്ഷോഭത്തിൽ തകർന്നു പോയപ്പോൾ പാഠശാലയുടെ പ്രവർത്തനം താൽകാലിക മായി പുന്നൈക്കുന്നിനടുത്ത് കുടുംബ വീടിന്റെ ചായ്പ്പിലേയ്ക്കു മാറ്റി. ഒരു വർഷത്തോളം അവിടെ പ്രവർത്തിച്ച ശേഷം എ ഡി 1904 ൽ കുടവൂർ ശ്രീ മഹാദേവ ക്ഷേത്രത്തിന്റെ സമീപത്തിലേക്കു മാറ്റി  സ്ഥാപിക്കപ്പെട്ടു. അക്കാലത്ത് സവർണ്ണർക്കുമാത്രമാണ് വിദ്യാലയങ്ങളിൽ പോകാനും വിദ്യാഭ്യാസം നേടാനും അവസരമുണ്ടായിരകുന്നതെന്നതിനാലും ആവശ്യത്തിനു ഭൂമി ലഭ്യമായതിനാലുമാകണം ബ്രാഹ്മണർ അധികമായി താമസിച്ചിരുന്ന കുടവൂർ ക്ഷേത്ര പരിസരത്തിലേക്കു വിദ്യാലയം മാറ്റി സ്ഥാപിക്കപ്പെട്ടത്.

                കുടവൂർ ക്ഷേത്രത്തിൽ നിന്നും കിഴക്കോട്ടായിരുന്ന ചെറിയ ഇടവഴി കയറി ചെന്ന്ാൽ എത്തുന്ന മാതേവർക്കുന്നിലെ 60 സെന്റ് സ്ഥലത്തായിരുന്നു ഈ വിദ്യാലയം വന്നു ചേർന്നത്. മാടൺമൂഴിയിലെ കുടിപ്പള്ളിക്കൂടം മാതേവർക്കുന്നിലെത്തിയപ്പോഴേക്കും നാലാം തരം വരെയുള്ള സ്കൂൾ (പ്രൈമറി സ്കൂൾ )ആയി ക്കഴിഞ്ഞിരുന്നു. ഒരു താൽകാലിക ഓലഷെഡ്ഡിൽ പ്രവർത്തനം ആരംഭിച്ച സ്കൂളിനു വേണ്ടി 1916 ൽ നാട്ടുകാർ ചേർന്ന് പൂമുഖത്തോടുകൂടിയ പുതിയ കെട്ടിടം പണിതു നൽകി. അക്കാലത്തും വിദ്യാലയ പ്രവേശനം സവർണർക്കുമാത്രമായി തുടർന്നു. താഴ്ന്ന ജാതിക്കാർക്കു(അവർണ്ണൻ) കൂടി സ്കൂളിൽ പ്രവേശനം  നൽകാത്തതിൽ പ്രതിഷേധിച്ചു.  ശ്രീ . അലനാട്ടു നാണുക്കുറിപ്പിന്റെ നേതൃത്ത്വത്തിൽ പിരപ്പള്ളി എന്ന സ്ഥലത്ത് താഴ്ന്ന ജാതിക്കാർക്കു മാത്രമായി ഒരു സ്കൂൾ കൂടി പ്രവർത്തനമാരംഭിച്ചു. പ്രസ്തതു തസ്കൂളാണ് പിൽക്കാലത്ത്ു തച്ചപ്പള്ളി ഗവ എൽ.പി.സ്കൂൾ ആയിത്തീർന്നത്.

               1950-കളുടെ തുടക്കത്തിലാണ് മാതേവർകുന്നിലെ എൽ.പി.സ്കൂൾ. യു.പി സ്കൂൾ ആക്കി ഉയർത്തണമെന്ന ആശയം പൊന്തി വന്നത്. അങ്ങനെ 1953 ൽ ഈ വിദ്യാലയം തോന്നയ്ക്കൽ ഗവ യുപി.എസ് ആയി മാറി തുടർന്ന 1960ൽ ഹൈസ്കൂളായി ഉയർത്തുന്നതിനുള്ള പരിശ്രമം ആരംഭിക്കുകയും 1961-62 ൽ തോന്നയ്ക്കൽ ഹൈ സ്കൂൾ നിലവിൽ വരുകയും ചെയ്തു. ഹൈസ്കൂളിനു വേണ്ടി സ്ഥലത്തിന്റെ ഒരു ഭാഗം നാട്ടുകാർ ധന സമാഹണം നടത്തി വിലയ്ക്കു വാങ്ങുകയും ഒരു ഭാഗം തോന്നയ്ക്കൽ സർവ്വീസ്  സഹകരണ സംഘം സംഭാവനയായി നൽകിയതുമാണ് 1963 ൽ വിദ്യാഭ്യാസ പരിഷ്കണത്തിന്റെ ഭാഗമായി എൽ.പി വിഭാഗം വേർപെടുത്തി തോന്നയ്ക്കൽ ഗവ. എൽ.പി.എസ് പ്രത്യേക സ്ഥാപമായി പ്രവർത്തിക്കാും യു.പി വിഭാഗവും സെക്കന്റി വിഭാഗവും ഉൾപ്പെടുത്തി ഹൈസ്കൂൾ പ്രവർത്തിക്കാനും തീരുമാനമായി.

               +2 സമ്പ്രദായം നിലവിൽവന്നതിനെത്തുടർന്ന്11-12 സ്റ്റാ‍േർഡുകൾ ഉൾപ്പെടുന്ന ഹയർസെക്കന്റി വിഭാഗം കൂടി അനുവദിക്കപ്പെട്ടു. 200-01 അദ്ധ്യാന വർഷത്തിലാണ് ഹയർസെക്കന്റി സ്കൂൾ ആയി ഉയർത്തപ്പെട്ടത്. ഇപ്പോൾ 5 മുതൽ +2 വരെ സ്റ്റാന്റേഡുകളായിലായി രണ്ടായിരത്തോളം വിദ്യാർത്ഥികൾ ഈ സരസ്വതീ ക്ഷേത്രത്തിൽ അദ്ധ്യയനം നടത്തുന്നു.

              ഈ സ്കൂളിലെ ആദ്യകാല പ്രധാന അദ്ധ്യാപകരായിരുന്ന ശ്രീ അവനവഞ്ചേരി കേശവപിള്ള, ശ്രീ പത്മനാഭ അയ്യർ, ശ്രീ ശങ്കരപ്പിള്ള, ശ്രീ ജനാർദ്ദനൻ, ശ്രീ പരമേശ്വരൻപിള്ള, ശ്രീ ഗോവിന്ദ പിള്ള ശ്രീ ഗോപിനാഥൻ നായർ, ശ്രീ ഗുരുദാസ്, ശ്രീമതി ലക്ഷ്ിക്കുട്ടി അമ്പാടി, ശ്രീ അബ്ദുൽ സലാം എന്നിവരേയും സ്കൂളിന്റെ ആരംഭകാലത്ത് നിലനിർത്താനും വളർത്താനു നിസ്തുല സേവനം നടത്തിയിട്ടുള്ള ശ്രീ പാലോട് ഗോവിന്ദ പിള്ള ശ്രീ മാതു ആശാൻ ശ്രീ അലനാട്ടു നാണുക്കുറിപ്പ്, ശ്രീ പുന്നെക്കുന്നത്ത് കുഞ്ചു പിള്ള എന്നിവരുടെ പേരുകൾ പ്രത്യേകം സ്മരണീയമാണ്.

                 ഈ സ്ക്കൂളിനെ ഹൈസ്ക്കൂൾ ആയി ഉയർത്തുതന്നതിനുള്ള പ്രവർത്തനങ്ങൾക്കു പ്രധാന നേതൃത്വം നൽകിയത് ശ്രീ എം. കെ വിദ്യാധരൻ (വിദ്യാധരൻ മുതലാളി) ആയിരുന്നു.

  ഇന്ന് വലിപ്പത്തിലും പ്രൗഢിയിലും പ്രവർത്തന മികവിലും കേരളത്തിൽ എണ്ണം പറഞ്ഞ സർക്കാർ വിദ്യാലയങ്ങളിൽ ഒന്നാണ് തോന്നയ്ക്കൽ ഗവൺമെന്റ് ഹയർ സെക്കന്ററി സ്കൂൾ.

തിരുവനന്തപുരം ജില്ലയിലെ ഏറ്റവും മികവുറ്റ സർക്കാർ വിദ്യാലയമാണ് ഗവ. ഹയർ സെക്കൻഡറി സ്കൂൾ, തോന്നക്കൽ. നമ്മുടെ സ്കൂളിനെ മികച്ച വിദ്യാലയമാക്കി മാറ്റാൻ സാമൂഹിക രാഷ്ട്രീയ രംഗത്തെ നല്ല രീതിയിലുള്ള ഇടപെടൽ സഹായിച്ചിട്ടുണ്ട്. നമ്മുടെ സ്കൂളിൻ്റെ അക്കാദമിക മികവിന് പി. ടി. എ, എസ് എം സി സ്റ്റാഫ് കൗസിൽ എന്നിവയുടെ സൗഹാർദ്ദമായി കൂട്ടായ്മയും ചർച്ചയും ആസൂത്രണവും സഹായകരമായിട്ടുണ്ട്. അതുപോലെ ഭൗതികമായ വികസനത്തെ നിരന്തരം പിന്തുണച്ച് സഹായിച്ചുകൊണ്ടിരിക്കുന്ന മഹനീയ വ്യക്തിത്വങ്ങളെ വിസ്മരിക്കാനുമാകില്ല. പത്തുവർഷത്തിലധികം നമ്മുടെ സ്കൂളിൻ്റെ പി. ടി. എ പ്രസിഡൻ്റും നിലവിൽ നമ്മുടെ സ്കൂൾ ഉൾപ്പെട്ട ജില്ലാ പഞ്ചായത്ത് മുദാക്കൽ ഡിവിഷൻ ജനപ്രതിനിധിയുമായ ശ്രീ. കെ. വേണുഗോപാലൻ നായർ സ്കൂളിൻ്റെ മികവിന് നൽകിയ അടിത്തറയും നിർമാണപ്രവർത്തനങ്ങൾക്കനുവദിച്ചു തന്ന ഫണ്ടുകളും നന്ദിയോടെ സ്മരിക്കുന്നു ഒപ്പം നമ്മുടെ സ്കൂൾ ഉൾപ്പെടുന്ന ചിറയിൻകീഴ് നിയമസഭാ നിയോജക മണ്ഡലത്തിൻ്റെ ബഹു. എം.എൽ. എ. ശ്രീ. വി. ശശി അവർകളുടെ നിർലോഭമായ സാമ്പത്തിക പിന്തുണയും നിരന്തരമായ സൗഹാർദവും സ്കൂളിൻ്റെ ഭൗതിക നിലവാരം ഉയർത്തിക്കൊണ്ടുവരുന്നതിൽ നിസ്തുലമായ പങ്ക് വഹിച്ചിട്ടുണ്ട്. സ്കൂൾ ബസുകൾ വാങ്ങുന്നതിനുള്ള ഫണ്ട്, ഹാബിറ്ററ്റ് ബിൽഡിങ്ങിനുള്ള ഫണ്ട്, ഓഡിറ്റോറിയത്തിനുള്ള ഫണ്ട് എന്നിങ്ങനെ നിരവധി ഫണ്ടുകൾ ബഹു. എം. എൽ. എ. ശ്രീ. വി. ശശി അവർകൾ ഡെപ്യൂട്ടി സപീക്കർ ആയിരുന്ന അവസരത്തിലും ഇപ്പോഴും നമുക്ക് നൽകിയിട്ടുണ്ട്. ഇപ്പോഴത്തെ പി. ടി. എ. പ്രസിഡൻ്റ് ശ്രീ. ആർ. രാജശേഖരൻ നായർ എം. എൽ. എ ഫണ്ട് അനുവദിക്കുന്നതിൽ ശക്തമായ ഇടപെടലുകൾ നടത്തിവരുന്നുണ്ട്. അദ്ദേഹത്തിൻ്റെ പ്രവർത്തനങ്ങളേയും നന്ദിയോടെ സ്മരിക്കുന്നു.
അക്കാദമിക പ്രവർത്തനങ്ങളെ യു. പി, ഹൈസ്കൂൾ, ഹയർ സെക്കൻഡറി വിഭാഗങ്ങളായി വികേന്ദ്രീകരിച്ചിരിക്കുന്നുണ്ടെകിലും പ്രിൻസിപ്പാൾ, എച്ച്. എം, സ്റ്റാഫ് സെക്രട്ടറിമാർ, എസ്. ആർ. ജി കൺവീനർമാർ, സബ്ജക്ട് കൗൺസിലുകൾ, ക്ലബുകൾ എന്നിവയെല്ലാം പരസ്പരം കൈകോർത്ത് പിടിക്കുന്ന ശക്തമായ ഒരു മാനേജ്മെൻ്റ് സിസ്റ്റം പ്രത്യക്ഷവും പരോക്ഷമായും സ്കൂളിൻ്റെ അക്കാദമിക പ്രവർത്തനങ്ങളെ ആസൂത്രണം ചെയ്യുകയും നടപ്പിലാക്കുകയും ചെയ്തു വരുന്നുണ്ട്. പ്രവർത്തനങ്ങളും അവയുടെ വിലയിരുത്തലും ആവശ്യമായ മുന്നൊരുക്കങ്ങളും തിരുത്തലുകളും കൂട്ടിച്ചേർക്കലുമാണ് നമ്മുടെ വിജയങ്ങളും അംഗീകാരങ്ങൾക്കും ആധാരം. അതിനുള്ള പിന്തുണ പി. ടി. എ എസ് എം സി യുടെ ഭാഗത്തുനിന്ന് നിർലോഭം ലഭിക്കുന്നുമുണ്ട്.

• തോന്നയ്ക്കൽ നാരായണൻ – നിരൂപകൻ,കവി
• തോന്നയ്ക്കൽ വാസുദേവൻ – നിരൂപകൻ,കവി
• തോന്നയ്ക്കൽ പീതാംബരൻ – കഥകളി കലാകാരൻ
• മാർഗ്ഗിവിജയ കുമാർ – കഥകളി കലാകാരൻ
• പ്രിൻസ് തോന്നയ്ക്കൽ – മ്യൂറൽ ചിത്രകാരൻ
• വേണു തോന്നയ്ക്കൽ – വൈജ്ഞാനിക സാഹിത്യകാരൻ പത്രപ്രവർത്തകൻ,നിരൂപകൻ
• തോന്നയ്ക്കൽ മണികണ്ഠൻ- പ്രശസ്ത സീരിയൽ നടൻ വില്പാട്ടുകലാകാരൻ മണിയൻ സ്പീകിംഗ് ലോകമലയാളികളുടെ പ്രീയപ്പെട്ട പ്രോഗ്രാം മണിയൻ സ്പീകിംഗിന്റെ വക്താവ്
• രാജേശ്വരി തോന്നയ്ക്കൽ – എഴുത്തുകാരി ,അദ്ധ്യാപിക
• ലൗലി ജനാർദ്ദൻ – സുപ്രസിദ്ധ ചലച്ചിത്രപിന്നണി ഗായിക
• ശ്രീകുമാർ.സി – ജൈവ കാര്ഷികമേഹലയിലെ സംയോജിത കർഷകശ്രീ അവാർഡ് ജേതാവ്
• ഡോ.റംലാബീവി – മെഡിക്കൽ എഡ്യൂക്കേഷൻ ഡയറക്ടർ
• കടു വച്ചിറയിൽ യൂസഫ് സാർ – മികച്ച ജൈവ കർഷകൻ , അധ്യാപകൻ